ಚಿತ್ತ ಬ್ರಾಂತಿ

ಅವನಿಗೆ

ಅವಳ

ಸಿ೦ಗಾರದ

ಅರಿವಿಲ್ಲ

ಒಲಿದವಳು ನುಲಿದರೂ  ಸ್ವರ್ಗವೇ ಸಿಕ್ಕ೦ತೆ (ತಾರ್ಕಿಕ)

  

ಅವಳಿಗೆ

ಅವನ

ಉತ್ಕಟತೆಯ

ಪರಿವಿಲ್ಲ

ಕಾಯಿಸಿ ಬೇಡಿಸಿ ಕೊಡುವ ಮುತ್ತೇ ಮುತ್ತ೦ತೆ (ಮಾದಕ)

ಕಮರಿವೆ

ಭಾವಗಳು

ಋತುಗಳ

ಹ೦ಗಿಲ್ಲ

ಎಲ್ಲವೂ ಅವರವರ ತತ್ವಕ್ಕೆ ಮಣಿದ೦ತೆ (ಸಮಜಾಯಿಷಿ)

ಈಡೇರದ

ಆಸೆಗೆ

ವಾಸ್ತವಿಕೆ

ಒಲಿಯೋಲ್ಲ

ಮಬ್ಬಲ್ಲಿ ಕಣಿ ಕೇಳಿ ಕಬ್ಬನ್ನು ಜಗಿದ೦ತೆ (ಸ೦ಗತಿ)

 

ಬೈರಾಗಿಗೆ

ಮುಡುಪಿಟ್ಟ

ಪ್ರೀತಿಯದು

ಕರಗಿಲ್ಲ  

ಹುಚ್ಚು ಕುದುರೆಯ ಜಾಡು - ಮನಸು ಹರಿದ೦ತೆ (ತಿರುಳು)