Friday, July 30, 2010

ವರ್ಣರoಜಿತ ಖಾಲಿ ಚಿತ್ರ

ಚಿತ್ರ ಬಿಡಿಸಲು ಕುಳಿತಾಗ, ಬಗೆಬಗೆಯ ಊಹೆಗಳಿತ್ತು,
ಕುಂಚ ಲೋಕಕ್ಕೆ ಲಗ್ಗೆ ಇಟ್ಟು, ಸ್ವರ್ಣಚಿತ್ತಾರವ ಮನದಲಿ ನೆನೆದು!
ಪ್ರೇಮ ಪರವಷಳಾಗಿ ಬಿಡಿಸಿದ ಚಿತ್ರ,
ಖಾಲಿ ಖಾಲಿ ಎಂದೇಕೆ ಅನಿಸಿದ್ದು?

ಮೆಲುಕಿ ಹಾಕಿ, ಎಳೆ ಎಳೆಯಾಗಿ ಸುರಿದ ಬಣ್ಣಗಳ ರಾಶಿ,
ಹಾ! ಹಸಿರು, ಬಿಳಿ, ನೀಲಿ.... ಇದೊಂದು ಸುಪ್ತವರ್ಣಗಳ ಕಾಶಿ!
ನೋಡುಗರು ನಿಬ್ಬೆರಗಾದರೂ,
ಖಾಲಿ ಖಾಲಿ ಎಂದೇಕೆ ಅನಿಸಿದ್ದು?

ಚಿತ್ರ ರಸಿಕರ ಕಣ್ಸೆಳೆದು, ಕಲೆ-ಆರಾಧಕರ ಮನಗೆದ್ದು,
ವಿಮರ್ಶಕರ ಕಿಚ್ಚಿಗೆ ತುತ್ತಾಗಿ..,
ಮೋಹಕವಾಗಿ ಬೆಳೆದಿದ್ದು!ವರ್ಣರoಜಿತ - ಸ್ವರ್ಣಸಂಚಿತವಾದರೂ,
ಖಾಲಿ ಖಾಲಿ ಎಂದೇಕೆ ಅನಿಸಿದ್ದು?

ಹಸಿರು ಒಣಗಿದ ಹುಲ್ಲಿನಂತೆ, ಬಿಳಿ ಬಿಳಿಚಿದ ಸುಣ್ಣದಂತೆ,
ನೀಲಿ ನರಳಿ ನುಸುಳಿದಂತೆ!! ಮಾಸಿದಂತಿದೆ ಮನಸಿನ ಬಣ್ಣಗಳು?
ಪ್ರೀತಿಸಿ, ಪೋಷಿಸಿ, ಮುದ್ದಿಸಿ ಬರೆದದ್ದು,
ಕೊನೆಗೂ ಖಾಲಿ ಖಾಲಿ ಎಂದೇಕೆ ಅನಿಸಿದ್ದು?

ಪ್ರತಿ ಬೆಳಗೂ ಹೊಸತನ....

ಪ್ರತಿ ಬೆಳಗೂ ಹೊಸತನದೊಂದಿಗೆ ಮೊದಲಾಗುವುದೆಂದು ನನ್ನ ನಂಬಿಕೆ. ಬಿಸಿಬಿಸಿ ಕಾಫಿಯೊಂದಿಗೆ ಶುರುವಾಗುವ ದಿನ ನನ್ನ ಈ ನಂಬಿಕೆಯನ್ನ ಮತ್ತಷ್ಟು ದೃಢವಾಗಿಸುತ್ತದೆ. ನನ್ನ ಮತ್ತ...